ОПШТИНА ШИД – У грекокатолїцких церквох у општини Шид з нагоди швета Сошествиє Святого Духа – Русадля, вчера 31. мая служени Служби Божо.
У церкви Преображеня Господнього у Шидзе Службу Божу служел парох о. Михайло Режак и у казанї визначел значносц спомнутого швета, а церква була прикрашена з конарами лїпи и траву на патосу.
О. Режак служел и остатнї майови молебен до Пречистей Дїви Мариї, а пополаднє на грекокатолїцким теметове служел панахиду за покойних при централним крижу и потим благословел гроби.
У Церкви святого апостола и евангелисти Луки у Бачинцох Службу Божу на швето служел парох о. Юлиян Рац, а пополадню на теметове при централним крижу о. Рац служел панахиду за покойнима потим и благословел гроби.
Богослуженя у Церкви собору святого архангела Михаила у Беркасове и у Церкви Успеня Пресвятей Богородици у Бикичу служел парох о. Владимир Еделински Миколка.
