ДЮРДЬОВ – Перши Збор гражданох у Дюрдьове отримани вчера, 18. мая, опрез Основней школи „Йован Йованович Змай”.
Теми о хторих було слова на першим Збору одношели ше на резултати анкети хтора була запровадзена на дружтвених мрежох. На Збору догварени и правила справованя на зборох и порадзене же ше Збори муши у континуитету отримовац, же би мали чежину.
Гражданє вчера побешедовали и о найвекших проблемох у валалє и порадзели ше же им за тераз будзе приоритет зопрец виберанє здравих древох у центру валала, а могло ше подписац и петицию зоз хтору ше сце тоти древа зачувац.
Идуци збор будзе шлїдуюцей нєдзелї на 17 годзин.
