16. МАРЕЦ – На нєшкайши дзень народзел ше Рафаил Русковски, перши предсидатель Националного совиту Руснацох.
1740 – Йоган Якоб Швепе (нєм. Schweppe; Виценхаузен, Нємецка, 16. март 1740 – Женева, Швайцарска, 18. новембар 1821) бул годзинкар и аматер у науки, a розвил практични поступок продукованя ґазованeй води и почал предавац безалкоголни напой у фляшкох, цо наволане швепс (Schweppes).
1787 – Народзени физичар Ґеорґ Симон Ом (Eрланґен, 16. марец 1789 – Минхен, 6. юлий 1854), котри одкрил одношенє струї електромоторней сили и одупераня у електричним колу, котре по нїм наволане Омов закон.
1859 – Народзени физичар и електроинженєр Алексадар Степанович Попов (Краснотуринск, 16. марец 1859 – Санкт Петербурґ, 13. януар 1906), котри пренашол и запровадзел першу радиотелефонску вязу.
1941 – Народзени филмски режисер Бернардо Бертолучи (Парма, Кральовина Италия, 16. марец 1941 – Рим, Италия, 26. невембер 2018). Познати є по филмох: Остатнї танґо у Паризу (1972), Остатнї китайски цар (1987), Мали буда (1993)…
1961 – Народзени Рафаил Русковски (Коцур, 15. марец 1961 – Вербас, 31. януар 2022). Основну школу закончел у Коцуре, а на Правним факултету у Новим Садзе дипломовал 1987. року. Од 1985. по 1993. рок робел як новинар у Радио телевизиї Нови Сад, а 1993. року є вибрани за народного посланїка. За предсидателя општини Вербас вибрани є 2000. року, тиж и за посланїка у Скупштини АПВ, як и покраїнского секретара за информованє. Рафаил Русковски бул перши предсидатель Националного совиту Руснацох, а на тоту функцию ступел 2002. року. Рафаил Русковски поховани 1. фебруара на теметове у Коцуре.