17. ДЕЦЕМБЕР – На нєшкайши дзень народзел ше у Вербаше Мирослав Силадї.
1770 – Народзел ше композитор Лудвиґ ван Бетовен (Бон, Нємецка, 17. децембер 1770 – Беч, Австрия, 26. марец 1827), бул майстор импровизациї и виртуоз на клавиру.
1936 – Народзел ше Хорхе Марио Берґольо, папа Франциск, (Буенос Аирес, Арґентина, 17. децембер 1936 – Ватикан, 21. април 2025). Бул 266. поглавар католїцкей церкви и держави Ватикан од 13. марца 2013. року по шмерц 2025. року. Бул перши папа зоз Дружтва Исусового и перши нєевропян од сирийского папи Ґрґура III зоз VIII вику.
1957 – Народзел ше вебмастер, културно-просвитни дїяч Мирослав Силадї (Вербас, 17. децембер 1957 – Вербас, 30. децембер 2012). Основну школу и Школу школярох у привреди закончел у Вербаше. Робел у вербаскей цукровнї по 2005. рок на вецей позицийох. Потим ше опробовал як приватни привреднїк и ґрафични дизайнер. Бул член Рускей матки, направел и отримовал єй интернет бок. Мирослав Силадї бул єден зоз сновательох Новинскей аґенциї Рутенпрес и на початку єй роботи направел и отримовал єй сайт. Тиж так мал и власни сайт под назву Руснак инфо. Главне опредзелєнє му бул ґрафични дизайн, першенствено у виробки плакатох, поволанкох, каталоґох, алє и на шицких других продуктох рекламного и пропаґандного материялу. Робел и як дописователь рускей редакциї Радия Нови Сад. Мирослав Силадї умар нєсподзивано 30. децембра 2012. року, поховани є на теметове у Вербаше.
1989 – Приказана перша епизода популарней америцкей анимираней телевизийней сериї Симпсоново.