3. ЮЛИЙ – На нєшкайши дзень народзел ше Микола Сеґеди.
1927 – Народзел ше учитель, новинар, писатель-гумориста, просвитни роботнїк, новинар, ґлумец и режисер аматер Микола Сеґеди (Дюрдьов, 3. юлий 1927 – Дюрдьов, 8. фебруар 1988). Микола Сеґеди основну школу у Дюрдьове, а до ґимназиї ходзел у Бечею, и Новим Садзе. До пивцоучительскей школи ходзел у Ужгородзе, врацел ше дому кед почала Друга шветова война. После войни закончел за учителя у Сримских Карловцох. Бул учитель у Руским Керестуре, Коцуре, Дюрдьове, Новим Орахове и Мошорину. У Новим Садзе у НВП Руске слово, 1969. року почал робиц як новинар у Пионирскей заградки. Писал драмски слички, найпознатша Мижо путує на Мешац, и гуморески Кооперант Федор, хториласовани каждей другей нєдзелї на габох Радио Нового Саду, полни 14 роки. Бул член Управного або Вивершного одбору Фестивала култур Червена ружа як и Комисиї за Червене пупче и Комисиї за манифестацию Одгуки з ровнїни. Микола Сеґеди бул член Дружтва за руски язик, литературу и културу од 1974. року. Умар 8. фебруара 1988. року у Дюрдьове.
1608 – Французки виглєдовач Самюел де Шамплен основал канадски город Квебек.
1883 – Народзел ше писатель Франц Кафка (Прага, нєшка Ческа, 3. юлий 1883 – Клостернойбурґ, Австрия, 3. юний 1924), його твори мали пресудни уплїв на европску литературу 20. вику.