КУЛА – Општина Кула того року, по першираз, орґанизовала шветочносц за найлєпших спортистох рока, а медзи наградзенима и вицешампионка швета у бодибилдинґу Илона Зарубица з Руского Керестура.
Општина наградзела тих хтори ше визначели зоз одличнима резултатами на змаганьох и хтори на найлєпши способ представели свойо клуби и општину на державних, европских и шветових змаганьох.
Спортисти наградзени зоз коло 60.000 динари, а тота награда будзе традицийна, та ше ю и наиходзацих рокох будзе додзельовац поєдинцом, тренером або клубом за окремни резултати.
Попри Зарубицовей, наградзени и шлїдуюци спортисти – зоз Рукометного клубу „Червинка Яфаˮ Урош Пролич и Марко Краґуль, зоз Карате клубу „Гайдукˮ Матеа Калмар, Михайло Крнаяц и Александра Дїкич, зоз Пацовацкого клубу „СМДˮ Елена Баткович и зоз „Констриктор файт тимуˮ Владимир Остоїч. Награду достал и Здравко Мишович спред Атлетского клубу „Гайдук маратон тимˮ и Деян Тешич спред „Констриктор файт тимуˮ.
Спортистом награди уручел предсидатель општини Кула, Дамян Милянич.