РУСКИ КЕРЕСТУР – Нєшка, 1. децембра почнє Турнир у малим фодбалу, котри ше будзе отримовац у спортскей гали у Руским Керестуре и будзе тирвац найпознєйше по 22. децембер.
На тогорочни перши Ноцни турнир приявели ше седемнац екипи и буду ше змагац у штирох ґрупох. Буду три ґрупи по штири екипи и єдна будзе зоз пейц екипами. У ґрупох ше будзе бавиц кажде зоз каждим и будзе ше бавиц 2 раз по 15 минути, док ше нокаут фази будзе бавиц 2 раз по 20 минути. За єден вечар заплановане же би ше бавело по три змаганя.
Екипи хтори ше приявели на турнир: Бостон ресторан – Руски Керестур, Кафе бар боем – Чонопля, Намештай Босна – Руски Керестур, Фурни ентериєри – Вербас, Колосеум и Ново плус – Червинка, Керестурска паприґа – Руски Керестур, Брестовец – Бачки Брестовец, Заборавлєни – Червинка, Дослов Компани – Суботица, Луксор фурнитуре – Руски Керестур, Фруштук плус – Кула, НТМ Цикерия – Вербас, Без спонзора – Руски Керестур, Аладин екстра – Червинка, Каравуково – Каравуково, Варґини пулени – Оджак и Горди зла – Червинка.
Перше змаганє почина на 20:15 годзин, а до спортскей гали ше годно войсц на 20 годзин. Уход будзе на главни дзвери спортскей гали, а цена уходнїци будзе за одроснутих 100 динари, док за дзеци будзе 50 динари. У гали тиж будзе и штанд дзе ше нащивителє годни окрипиц.
Перши ноцни турнир у малим фодбалу у спортскей гали буду судзиц судийове з першей футсал лиґи, Драґутин Божович и Ґоран Новакович.