БЕОҐРАД – Предсидатель Републики Сербиї Александар Вучич обрацел ше явносци зоз предсидательом Влади Републики Сербиї Милошом Вучевичом и предсидательку Народней скупштини Републики Сербиї Ану Брнабич, вчера 27. януара у Палати Сербия.
Предсидатель Сербиї Александар Вучич наявел же шицки студентски вимоги буду сполнєти. Тиж обецал и реконструкцию Влади Сербиї, и же очекує же вецей як 50 одсто министрох будзе зменєне.
Найвецей уваги предсидатель Вучич пошвецел першей вимоги студентох же би ше обявело цалосну документацию у вязи зоз реконструкцию надкрица на Желєзнїцкей станїци у Новим Садзе.
Кед слово о виновних поступкох процив тих цо нападли на студентох и професорох, предсидатель Вучич твердзи же тото виполнєнє и додал же 37 особи осумнїчени у вецей местох у Сербиї. А кед слово о учашнїкох на протестох понукнул и помилованє.
И штварта вимога же би ше звекшало буджет за универзитети, як гварел Вучич, уж сполнєна, алє же ище пенєжу будзе видвоєне за високошколске образованє.
Премиєр Милош Вучевич поволал ректорох, професорох и студентох на розгварку зоз словами же дзвери Влади отворени.
Предсидателька Скупштини Ана Брнабич наявела же би ше шлїдуюца схадзка Скупштини Сербиї требала отримац 29. януара.