РУСКИ КЕРЕСТУР/НОВИ САД – З нагоди 150-рочнїци од народзеня владики Нярадия, 30. новембра и 1. децембра, зоз Архиєрейску Службу Божу почнє Медзинародни наукови симпозиюм „Владика Дионизий Няради: живот и дїлоˮ у Катедралней церкви у Руским Керестуре на 10 годзин.
На соботу, 30. новембра, будзе служена Архиєрейска служба зоз пейцома владиками зоз Словацкей, Македониї и нашим епархом, як и зоз представнїками святїйшого оца папи Франциска, потерашнїм и новоменованим нунцийом.
У Велькей сали отрима ше першу часц Симпозиюма котри почнє на 15 годзин, док друга часц почнє после павзи, на 17 годзин.
Ютредзень на нєдзелю, 1. децембра, зоз службу у церкви Верховних апостолох Петра и Павла у Новим Садзе започнє друга часц Симпозиюма, котра ше предлужи у Заводзе за културу войводянских Руснацох.
Орґанизатор симпозиюма Епархия св. Миколая у Руским Керестуре, а соорґанизаторе Ужгородски национални универзитет – Науково-виглєдовацки институт українистики „Михайло Мольнарˮ, Универзитет у Новим Садзе – Филозофски факултет – Оддзелєнє за русинистику и Завод за културу войвдянских Руснацох.