НОВИ САД – Штерацец друге число новинох „Руске слово” у рубрики Тижньовнїк пише о кампанї „Шицки ми, вєдно, твориме Сербию”. На Наших местох мож пречитац о награди за найкрасши фартух хтору достали членїци Активу женох зоз Коцура.
Економия пише же до Олеярових у Коцуре сцигол нови трактор, а на бокох Култури и просвити мож пречитац же у керестурскей школи представена Еразмус+ програма.
Духовни живот пише o преславеним Кирбаю у Вербаше, а на бокох Людзе, роки, живот у тим чишлє осме предлуженє фельтону Седемдзешат роки часопису „Шветлосц”.
На Спорту мож пречитац о Бянки Буша членїци шампионскей одбойкашскей екипи на Шветовим першенству у Голандиї.
И у тим чишлє єст рубрика Горуци тепши, а вишол и додаток Дом и фамелия.