ВЕРБАС – Амбасадор Босней и Герцеґовини Лазар Мркич нащивел Општину Вербас, у рамикох закончуюцих пририхтованьох за музичне змаганє „Сербия у ритму Европи“. Предсидатель Општини Вербас Милан Ґлушац и його заменїца Миляна Штулич з амбасадором бешедовали и о других формох сотруднїцта, насампредз економских, привредних и туристичних.
З амбасадором у нащиви бул и вивершни директор дзецинскей манифестациї „Сербия у ритму Европи“ Иґор Карадаревич, котри визначел же того року у финалу манифестациї участвую дзеци з коло двацец городох у Сербиї, а закончуюца програма будзе у Зомборе 25. юния.
З Вербасу у финалней програми манифестациї участвую Василиса Миркович, Емилия Станойчич и Марина Еракович, а прешлорочне сотруднїцтво з Турску у тим змаганю коруноване з вибудову сучасного бавилїща за дзеци з окремнима потребами.