Безповратни средства за процивкаменцово мрежи

автор ртв/мар
1.1k Опатрене

НОВИ САД – У Покраїнскей Влади стреду, 29. марца, подписани контракти з польопривреднїками котри на конкурсу витворели право за додзельованє безповратних средствох за купованє процивкаменцових мрежох.

За тоту намену Покраїнски секретарият того року видвоєл 320 милиони динари вецей як прешлого року, кеди було 270 милиони. Тераз подписани 28 контракти, чия вредносц 76 милиони динари.

– З тей суми Секретарият дава 46,5 милиони динари безповратни средства, односно 60 одсто вкупней инвестициї. Того року зме тиж направели конкретну миру за младих польопривреднїкох и жени ношительки ґаздовствох, бо зме за нїх опредзелєли аж 70 одсто субвенциї – гварел на подписованю контрактох покраїнски секретар за польопривреду Вук Радоєвич.

Дзекуюци терашнїм средством, под процивкаменцовима мрежами буду ище 70 гектари овоцнїки, а польопривреднїки визначели же би сами нє могли финансовац таку инвестицию.

Надпомнуте же Покраїнски секретарият за польопривреду розписал ище шеснац конкурси – за статкарски фарми, унапредзенє и розвой пчоларства, продукцию желєняви у завартим просторе, купованє системох за залїванє и друге.

7-Mrezi-02

ПОВЯЗАНИ ТЕКСТИ