ШИД – Столнотенисере КПД „Иван Котляревски“ з Бикичу побиднїки турниру у столним тенису, хтори у рамикох Спортских бавискох „Яша Баков, а у орґанизациї КПД „Дюра Киш“ зоз Шиду, всоботу, 13. мая отримани у Спортским центре у Шидзе.
Друге место освоєла екипа КУД „Яким Ґовля“ з Миклошевцох, з Горватскей, треци були столнотенисере „Русину“ з Руского Керестура, а штварти з КУД „Тарас Шевченко“ з Дюрдьова.
Пияте место завжала домашня екипа КПД „Дюра Киш“, шесте Руского културного центру з Нового Саду, седме „Папивинґу“ з Вербасу, а осме столнотенисере КПД „Драґутин Драґен Колєсар“ з Бачинцох.
Побиднїцкей екипи уручени и медалї, а преглашованє побиднїкох було у Руским доме, дзе домашнї за учашнїкох пририхтали и полудзенок.