Ище нєшка приявйованє екипох за Ноцни турнир у малим фодбалє

автор зам
862 Опатрене

РУСКИ КЕРЕСТУР – Ище нєшка, 1. юлия (до 21 годзин) у просторийох  СД „Русин” у Старей школи мож приявиц екипи за участвованє на тогорочним Ноцни турнире у малим фодбалє, хтори у Руским Керестуре орґанизує Спортске дружтво „Русин”, а Турнир почина на ютре, нєдзелю, 2. юлия.

За змаганю у малим фодбалє ше можу приявиц сениорски екипи, пионирски (дзеци народзени од 2003. по 2005. рок), екипи младших пионирох (народзених од 2006. по 2008. рок и младши), як и екипи ветеранох (од 35 роки на вецей).

Котизациї за сениорох виноши 10 000 динари за екипу, за младши селекциї 2 000 дин., а за екипи ветеранох 5 000 дин. по екипи.

Награда за перше освоєне место у катеґориї сениорох 50 одсто уплати и 15 000 динари; за друге место 30 одсто уплати и 10 000 дин., а за освоєне треце место 20 одсто уплати и 5 000 динари. У шицких катеґорийох буду додзелєни и окремни награди за найлєпшого бавяча, ґолмана и ґолґетера.

Информациї о Турнире мож найсц на Фейсбук боку ФК „Русин”, лєбо достац на телефони 063/407-909 (Деян Надь), 065/51-20-238 (Желько Орос) и 065/51-19-779 (Иван Чапко).

ПОВЯЗАНИ ТЕКСТИ