НОВИ САД – Студенти у блокади и Збори гражданох Нового Саду и Мрежа зборох означели стреду, 1. юлия 20 мешаци як спадла стреха на Желєзнїцкей станїци, кед траґично настрадали 16 особи.
Студенти и збори ше зишли на 11:52 при гайзибанскей станїци и зоз 16 минути цихосци указали чесц настрадалим.
Вечар, на 20:00 годзин Збори Нового Саду ше зишли при Футоґским пияцу и зоз комеморативним шейтаньом по гайзибанску станїцу дали чесц настрадалим.
На крижней драги опрез гайзибанскей станїци на 20:52 почали шеснац минути цихосци, 16 особи тримали швички и кед на кажду минуту пречитане по єдно мено настрадалих, а особа зоз швичку би пошла ґу огради опрез будинка и спущела швичку ґу мену хторе виписане на шерцу опрез будинку. Потим гражданє при огради станїци охабяли квеце и швички.
Першого новембра 2024. року на Желєзнїцкей станїци у Новим Садзе спадла бетонска стреха и теди траґично настрадали 16 особи. До тераз ище нїхто нє одвитовал пре траґедию хтора ше случела.
