АПАТИН – Школяре керестурскей Основней школи „Петро Кузмяк” Хелена Новта, у Б катеґориї и Иван Рац и Леонела Цифрич у Ц катеґориї були найлєпши на окружним змаганю „Цо знаш о транспорту” зоз Технїки и технолоґиї, хторе отримане 13. мая у Апатину.
Керестурски школяре представяли општину Кула, а з нїма ше на державне пласовал ище и Константин Ничетин з Кули, так же школяре з тей општини були прешвечлїво лєпши од представительох општинох Зомбор и Апатин, а з оджацкей општини нє було представительох.
На окружним змаганю з керестурскей школи наступели ище и Ґлориян Штранґар хтори завжал друге место у Б катеґориї хлапцох, як и Даница Плавшич тиж друге у дзивчацкей катеґориї. У Ц катеґирої у дзивчатскей ґрупи Теодора Русковски тиж завжала друге место, алє на державне змаганє иду лєм першопласовани школяре.
Шицких керестурских школярох за змаганє пририхтал наставнїк Зденко Шомодї, а пририхтує их далєй и на державне хторе будзе 25. и 26. мая у Беоґрадзе, а на нїм буду участвовац вецей як 100 школяре з округох у цалей Сербиї.