На преслави Медзинародного дня волонтерох и Керестурци

автор маф, фото ипл
864 Опатрене

БЕОҐРАД – З нагоди Медзинародного дня волонтерох – 5. децембра, Млади виглєдоваче Сербиї – Волонтерски центер, а з потримовку Министерства младежи и спорту орґанизовали шветочносц з хтору означели тот дзень и дзевец рочнїцу як ше витворює проєкт у Сербиї з меном „Млади – закон”.

На преслави були присутни и млади з Руского Керестура хтори були поволани як представителє Медзинародним волонтерским кампу 2018. року у своїм месце, та на преслави участвовали Ивана Планчак, Емилиян Няради, Марко Буила и Терезия Будински, шицки школяре керестурскей Ґимназиї „Петро Кузмак”.

Як од нїх дознава Рутенпрес у пленарней часци преслави младим бешедовал министер Ваня Удовичич хтори потримал їх анґажованє у таких проєктох и визначел прецо су важни и околїску и самим младим, док у другей часци учашнїком представени тогорочни Младежски кампи у держави и иножемстве.

 

ПОВЯЗАНИ ТЕКСТИ