ДЮРДЬОВ – И за тогорочни Бал младих котри орґанизує младеж з Културно-уметнїцкого дружтва „Тарас Шевченко” з Дюрдьова єст красне число заинтересованих. Резервовани 96 уходнїци, баловац ше буду особи од петнац по трицец пейц роки з Коцура, Нового Саду и преважно з Дюрдьова.
Балованє будзе на соботу, 10. новембра, почнє на 19 годзин, грац будзе „Пицикато бенд”, а будзе орґанизована вечера и томбола з богатима наградами. Першу награду, котра и найвреднєйша, и того року обезпечую орґанизаторе.
Млади орґанизаторе и того року очекую добру забаву до самого рана, по чим дюрдьовски друженя у спомнутим Дружтве познати.