РУСКИ КЕРЕСТУР – На базену у Руским Керестуре, всоботу, 13. юния, було отримане Мото-стретнуце.
У орґанизациї трох мото клубох зоз Руского Керестура, хтори ше зорґанизовали до Мото дружтва, орґанизоване Мото-стретнуце хторе финансовали орґанизаторе.
Мото-стретнуце почало на 18 годзин, а учашнїкоm була приготовена пасуля за вечеру. На базену бул орґанизовани камп за учашнїкох, u хторим ше могло преспац у своїх шатрох, а рано бул обезпечени фриштик и кафа, тиж ше предавало и сувенири, єдзенє и окрипа. Стретнуце нащивели вецей як 150 моторкаше зоз рижних местох и мото клубох, а на концерту наступели и бенди: „Домски идиоти”, „Нешто између” и „Рахела”.
Орґанизаторе Мото-дружтво зоз Руского Керестура, а мали помоц од Добродзечного огньогасного дружтва коло зредзованя тоалетох и ЯКП Руском, хтори покошел траву на базену.
Тогорочне Мото-стретнуце у Руским Керестуре було и хуманитарного карактеру, понеже шицок приход уплацени фамелиї Шафарик зоз Кули, за Стефана.
