РАКОВАЦ – У остатнїм 30. колу ярнєй часци першенства Другей новосадскей лиґи, внєдзелю, 14. юния, у Раковцу на фодбалским стадиону Фодбалского клубу „Борац”, було стретнуце медзи домашнїм клубом и Фодбалским клубом Бачка 1923 зоз Дюрдьова. Стретнуце закончене зоз побиду дюрдьовчаньох, а конєчни резултат бул 1:4.
ФК Борац (Раковац) – ФК Бачка 1923 (Дюрдьов) 1:4 (1:1). Ґоли за екипу Бачки 1923 дали: Неманя Надьфей у 13. минути, Душан Тривунович у 51. и 60. минути и Райко Станкович у 69. минути.
За екипу Бачки 1923 бавели: Владимир Радишич, Дьордє Миятов, Янко Панич, Неманя Надьфей, Янко Вуйович, Раде Панич, Милан Боґданов, Душан Тривунович, Милан Роґич, Стефан Деянович и Райко Станкович. До бависка ище вошол Неманя Яндрич.
После одбавеного остатнього стретнуца, ФК Бачка 1923 першенство закончела на другим месце на таблїчки Другей новосадскей лиґи зоз 64 бодами. Екипи Бачки 1923 ше поспишело остац на верху лиґи, та так обезпечела бавенє у баражу за висшу лиґу.
Нєодлуга шлїдзи бараж дзе за процивнїка ФК Бачка 1923 будзе мац екипу ФК Стражилово зоз Сримских Карловцох.