Нєшка у Керестуре почина и Турнир фирмох

автор мзг
854 Опатрене

РУСКИ КЕРЕСТУР – Од нєшка, 15. авґуста, у Старей школи у Руским Керестуре почина Турнир фирмох у малим фодбалу, у орґанизациї керестурских привреднїкох.

Турнир будзе тирвац, найвироятнєйше, тидзень, з тим же през викенд нє будзе змаганя.

Бавиц буду, кажде з каждим, роботнїки зоз дзевец фирмох, а то Тапетария „Еуро”, „Комфорт стайл”, „Тина ентериєри”, „Клуб 10”, Тапетария „Мая”, „Хома намештай”, „Електромонтажа” и „Вортекс колор”, шицки з Керестура, як и Лимар „Мандич” з Кули.

Змаганя починаю од 20 годзин, а уход шлєбодни.

Орґанизаторе на тоту идею пришли по упатраню на подобни турнир хтори у Керестуре отримани пред вецей як дзешец роками, а як од нїх дознаваме, його циль,  насампредз, друженє и розвага.

ПОВЯЗАНИ ТЕКСТИ