Почала ярня часц рукометней лиґи за младши катеґориї

автор сен фото зпл
823 Опатрене

ПРИҐРЕВИЦА/РУСКИ КЕРЕСТУР – Перши змаганя у ярнєй часци рукометней лиґи за младши катеґориї отримани всоботу, 25. фебруара у Приґревици, дзе рускокерестурски „Русин” бавел процив „ПИК Приґревица” и „Вербасу”. У обидвох змаганьох „Русин” страцел21:10 од домашнїх и 23:8 од „Вербасу”.

Як за Рутенпрес гварел Звонко Планчак з РК „Русин”, на змаганю процив екипи з Приґревици ше визначели Владимир Мудри и Виктор Микита, а процив Вербаскей екипи найлєпше бавел Давид Надь.

У „Русину” тренираю коло 25 школяре од пиятей по осму класу ОШ, a тренере им Злата Паплацко и Владо Боянович. Тренинґи цали рок буду у Спортскей гали.

У тей лиґи млади керестурски рукометаше бавя процив парнякох зоз Зомбора, Приґревици, Бездану, Вербасу, Србобрану и Суботици.

ПОВЯЗАНИ ТЕКСТИ