НОВИ САД – Вчера, 21. децембра, у Заводзе за културу Войводини, представене нове, пияте число часопису за културу нєвладових орґанизацийох Войводини „Мост”.
Тема того числа „Културни права припаднїкох националних меншинох у Войводини”, а на промоциї бешедовали редактор виданя Мирослав Кевежди и експерткиня за права националних мешинох Ева Вукашинович.
Промоция була задумана як розгварка зоз публику, а доминовало питанє о тенденциї траценя здобутих правох меншинох у Сербиї и Войводини, поготов у вименкох и дополнєньох Закону о националних совитох националних менштинох, котри пред скупштинску процедуру.
У пиятим чишлє часопису за културу нєвладових орґанизацийох Войводини „Мост” тексти писали: др Милина Склабинска, др Александар Раич, мр Снежана Илич, Томислав Жиґманов, др Сузана Куюнджич Остоїч, др Антал Силард, Анамария Ранкович, Катарина Челикович, Андрей Кубичек и Зорица Митрович.