ҐОСПОДЇНЦИ – Штернаста колония подобових уметнїкох „Стретнуце у Боднарова“ будзе отримана на пияток, соботу и нєдзелю, од 27. по 29. юлий, од дзевец годзин, а седемнаста дзецинска колония „Стретнуце у Боднарова“ на нєдзелю 29. юлия од дванац годзин.
Робота колониї ше будзе одвивац у Основней школи „Жарко Зренянин” у Ґосподїнцох у котрей буду участвовац подобово уметнїки и дзеци подобово творителє. Подобова колония ше отрима у рамикох означованя 80 рокох од народзеня Гелени Канюх (1938), подобового педаґоґа и 50 рокох од народзеня Владимира Вєштици (1968), Mаї Дороґхази (1968) и Весни Йович (1968), подобових уметнїкох учашнїкох Подобовей колониї „Стретнуце у Боднарова”.
Того викенду у Ґалериї Месней заєднїци Ґосподїнци буду виложени роботи зоз прешлорочней, тринастей подобовей колониї.
(Насловна фотоґрафия висликована на єдней з предходних подобових колонийох).