У Вербаше отримани духовни вежби за наших священїкох

автор але
987 Опатрене

ВЕРБАС – У Церкви Покрова Пресвятей Богородици у Старим Вербаше вчера, 27. марца, отримани духовни вежби за священїкох Апостолского еґзархату за грекокатолїкох у Сербиї, на хторих були тринац священїки, на чолє з владиком Георгийом Джуджаром.

Дзень пошвецени духовней обнови почал з Богослуженьом, потим отримана духовна конференция, а на концу ше священїки могли и висповедац.

– Главни циль такого сходу же бизме анализовали тото цо прешло и направели плани за будуце, бо кажди период ноши свойо приоритети. У наиходзацим периодзе приоритет нам порада о преслави ювилею Завитного дня, точнєйше 200-рочнїци перших указаньох Пресвятей Дїви Мариї у Водици. Попри тим, бешедоване и о других питаньох важних за наших парохох, алє и парохиянох – гварел апостолски еґзарх, владика Георгий Джуджар.

Таки духовни стретнуца ше у Апостолским еґзархату за грекокатолїкох отримує два раз до рока, звичайно вєшенї и вяри пред велькима шветами, алє и частейше, кед то потребне.

ПОВЯЗАНИ ТЕКСТИ