РУСКИ КЕРЕСТУР – У рускокерестурским Здруженю женох „Байка” вчера закончени висши курс тканя на платну, хтори членїцом тримала Анка Лалич, едукаторка тканя. Проєкт тканя мал буц витворени 2014. року, медзитим, пре оправдани причини реализовани є тераз.
За проєкт „Зачувайме традицию” Здруженє женох од Покраїнского секретарияту за привреду, обезпечованє роботи и ровноправносц полох достало 120 000 динари, а уложени су до набавки нових, векших кроснох и материялу за облєчиво.
За три тижнї, кельо тирвали роботнї, жени ушили три облєчива, хтори пошвидко и явно представя, гварела предсидателька „Байки” Славица Катона.
