НОВИ САД – Покраїнски секретар за польопривреду Бранислав Боґарошки оценєл вчера же ше з предложенима вименками Закона о водох утаргує компетенциї Войводини.
Боґарошки на явней розправи, хтора отримана у просторийох Привредней комори Войводини, визначел же ресорни покраїнски секретарият и урядово пошлє свойо зауваги Министерству польопривреди.
– З предложенима вименками утаргує ше даскельо компетенциї АПВ у сеґментох одредзованя гидромелиорациї подручох на териториї Войводини, приношеня планох, документох у вязи з роботами, а тото цо найбаржей застарує то утаргованє можлївосц инспекцийного надпатраня, односно водовей инспекциї и то без обгрунтованя – гварел новинаром Боґарошки.
Вон додал же нє видзи анї єдну причину за таки поступок предкладателя, односно Министерства польопривреди, бо инспекция свою роботу робела квалитетно.