ДЮРДЬОВ – Вчера, у Велькей служби Божей у церкви Рождества Пресвятей Богородици у Дюрдьове, хтора служена з нагоди шветох Обризания Исуса Христа, Василия Велького и Нового року по юлиянским календаре, дюрдьовски парох о. Йоаким Холошняй пречитал статистични податки з парохийних матрикулох.
По тих податкох у Дюрдьове єст 1 040 парохиянох-Руснацох, односно за 19 менєй як прешлого року. Умартих було 26, кресцених 7, а повинчани 5 пари, з хторих 3 мишани малженства.
По словох пароха, окрем жительох, зменшує ше и християнска свидомосц, та найважнєйши задаток у тим року будзе змоцньованє духовного живота, односно векша нащива богослуженьом и заєднїцка молитва шицких за шицких и шицких за шицко. Попри молитви, посту, споведзи и причасци, парох спозорел же би требало звекшац и старосц о материялних доброх парохиї.