ДЮРДЬОВ – У обидвох дюрдьовских образовних установох ше од пондзелку по пияток означує Дзецински тидзень, дзе за кажди дзень пририхтани рижни активносци за дзеци и їх родичох – преподаваня, подобово, музични и роботнї з тему еколоґиї, та рижни спортски змаганя и друге.
У дзецинскей заградки „Дюрдєвак” вчера була маскенбал. Дзеци ше з воспитачками прешпацирали през парки у центре валалу, а потим их у голу дюрдьовсей Основней школи „Йован Йованович Змай” школяре нїзших класох дочекали з учительками, дзе им одшпивали даскелї шпиванки и змагали ше у кратких квизох.
Дзеци у дзецинскей загради нєшка буду мац стретнуце з огньогасцами, а у школи будзе виведзена тетарална представа „Весело позорје” Театру з Теразийох у Беоґрадзе.
