СЕРБИЯ – Гоч по 1. юлий шицки медиї хторим власнїки локални самоуправи муша буц приватизовани, дотераз нє приватизовани анї єден. Медзи тима хтори вироятно найскорей пременя власнїка то Радио Суботица и Новосадска телевизия, преноши РТВ.
– Барз важне же бизме пременєли власнїцку структуру, бо зме на тот способ годни висц на тарґовище и буц конкурентни з другима медиями – гварела директорка Новосадскей телевизиї Емилия Марич.
За Новосадску телевизию и Радио Суботицу заинтересовани исти купец – „Фидбек консалтинґ ню медиа продакшн“ з Нового Саду, медзитим, власнїк будзе познати аж после явней аукциї. По законє, купец обовязни пейц роки отримац исту програмску и язичну структуру медию.