НОВИ САД – По найновших урядово обявених податкох з Городскей виберанковей комисиї Нового Саду (ГВК), на позарядових парламентарних виберанкох по 12 годзин гласало 36,18 уписаних гласачох з териториї Городу Нового Саду.
З оглядом же по евиденциї ГВК Город Нови Сад ма 336.807 гласачох, обявени процент гутори же до поладня гласало вецей як 120 тисячи Новосадянох.
Виберацки места отворени на 7 годин, а завераю ше на 20 годзин. По толкованю законских предписаньох з обласци виберанкового процесу а обявйовани су до явносци предходних дньох, Виберанкова комисия длужна обезпечиц витворенє гласацкого права каждому гласачови хтори чека у шоре на виберацким месце и после 20 годзин.