НОВЕ ОРАХОВО – На нєдзелю, 25. октобра на швето Христа Царя зоз Службу Божу на 14 годзин, хтору будзе служиц декан бачки и коцурски парох о. Владислав Рац у Новим Орахове будзе преславени Кирбай.
Грекокатолїки у Новим Орахове вше Кирбай славели на швето св. Архангела Михаїла, а кед 1985. року направена римокатолїцка церква, дзе нашо вирни достали каплїчку, порадзели ше з римокатолїками же би Кирбай славели єден дзень, кажде зоз свою литурґию остатню нєдзелю у октобру на швето Христа Цара. Парох коцурски о. Владислав Рац, од 1986. року служи Служби Божо у тим нашим наймладшим валалє.