ШВЕДСКА – У рамикох Еразмус+ проєкту, наставнїци Основней и штреднєй школи зоз домом школярох Петро Кузмяк, участвовали у програми фахового усовершованя Job shadowing у Лександу, у Шведскей.
Под час мобилносци, наставнїци: Лїляна Рудакиєвич, Анико Войчена, Єлена Миркович, Бояна Милянич и директорка Наталия Будински, нащивели образовни установи домашнїх, провадзели їх настави, бешедовали зоз наставнїками и координаторами фаховей пракси.
На тот способ ше упознали зоз їх орґанизацию образовней системи, зоз сучаснима наставнима приступами и моделами повязованя фахового образованя зоз тарґовищом роботи.
Окремни акцент бул на практичним оспособйованю школярох за занїманя у туризме и погосцительстве, на орґанизациї фаховей пракси и сотруднїцтву школох зоз готелами и другима привреднима субєктами.
