ОПШТИНА ШИД – Спрам нєурядових и дочасових резултатох гласаня на позарядових парламентарних виберанкох у општини Шид лїстина „Александар Вучич-зєдинєна Сербия” достала 9 тисячи и 642 гласи або 51 одсто.
Лїстина „Студентска лїстина-студенти победзую” достала 8 тисячи и 368 глси або 44,3 одсто гласох.
Лїстина „Ивица Дачич-фактор стабилносци” достала 486 гласи або 2,6 одсто, а шицки други лїстини достали менєй як єден процент гласох.
До виберацкого списку були уписани 28 тисячи и 901 гласач, а гласали 19 тисячи и 182 або 67,9 одсто од уписаних.
Виберанки прешли без векших проблемох або инцидентох, а надпатрали их ЦЕСИД, Црта як и надпатраче ОЕБС хтори обишли виберацки места як и Општинску виберанкову комисию.