ВЕРБАС – Тих дньох у Вербаше почина тогорочна кампаня преробку цукровей цвикли, а з вербаскей цукровнї, хтора у власносци Компаниї „Суноко”, поручую же за шицки три фабрики у їх власносци будзе досц сировини.
У рамикох Компаниї „Суноко” робя цукровнї у Печинцох, Ковачици и Вербаше, а обчекує ше же урожай цукровей цвикли будзе у рамикох вецейрочного просеку, односно медзи 52 и 53 тони по гектаре.
Директор „Сунока” Любиша Раденкович визначел же компания звекшала цену цвикли, бо дотераз була 28,5 еври за тону, а тераз є 30 еври.
У „Суноку” планую преробиц коло 2 милиони тони цвикли и випродуковац коло 340 тони цукру, з чого 100 000 тони за домашнє, а 230 000 тони за иножемне тарговище.