КОЦУР – У дербию 8. кола Медзиопштинскей лиґи Вербас-Титель-Жабель, Искра з Коцура прешвечлїво и вельо лєгчейше як цо ше обчековало победзела лидера на таблїчки и дотераз нєпоражену екипу Бачки з Дюрдьова зоз 4:1.
Ґоли за Искру дали Крняїч, Дамир Ґубаш, Малеш и Николич, а єдини ґол за Бачку дал Мушицки.
После 8. кола Искра 2. на таблїчки з 18 бодами, док Бачка и далєй перша з трома бодами вецей и змаганьом вецей од Искри.
Шлїдуюцей нєдзелї Искра госцує у Локу процив Злоги.