СЕРБИЯ – Министерка польопривреди Снежана Боґосавлєвич-Бошкович наявела же роботна ґрупа розпатра ситуацию у обласци млєкарства, же би уведла одвитуюци мири, преноши Танюґ. Гоч продуковательом млєка у єдним периодзе обецане же ше забранї увоз, тераз у Министерстве гваря же забрана нє єдина можлївосц за злєпшанє условийох продукциї млєка.
Бошковичова наведла же добри резултати дала мира интервентного одкупу млєка, а здогадла и же уведзени защитни мири за дзепоєдни млєково продукти, як цо то сир и масло.
Продукователє млєка и млєкових продуктох протестовали ище у марцу, кеди од Влади Сербиї вимагали же би злєпшала їх положенє на тарґовищу. И после двох мешацох, конкретни мири за тото нє дефиновани.