НОВИ САД – Фахова делеґация Совиту Европи (СЕ) у обласци култури вчера нащивела вецей институциї у АП Войводини, а тема сходох була редефинованє културних политикох по напрямкох и методолоґиї яку ше применїє у державох Европскей униї, сообщене з Покраїнскей влади.
У рамикох нащиви, у Покраїнскей влади орґанизоване стретнуце делеґациї СЕ, у хторей експерти з обласци култури з вецей европских державох, з директорами заводох за културу традицийних меншинох у Войводини, та вєдно з директорами заводох за културу войводянских Мадярох, Словацох, Румунох и Горватох, на схадзки участвовал и директор Заводу за културу войводянских Руснацох Сергей Тамаш.
Делегация СЕ, хтору водзела Катрин Меркел, обишла и водзаци културни институциї у АП Войводини – Матицу сербску, Завод за културу Войводини, Завод за защиту памятнїкох култури, Новосадски театер, Спомин-ґалерию Павла Белянского, а у Покраїнскей влади о обставинох у култури бешедовала з ресорним секретаром Славишом Груїчом.