КУЛА/МИХАЛОВЦИ (СЛОВАЦКА) – Дзецинска драмска ґрупа Руского КУД „Др Гавриїл Костельник” з Кули од нєдзелї, 21. юния, на госцованю у Словацкей, на поволанку Фестивалу „Михаловски дески” у Михаловцох.
Попри на спомнутим Фестивалє у Михаловцох, млади кулски аматере представу Роберта Такарича „Маче, любим це як цо качка люби каче”, у режиї Александри Лендєр з Вербасу, виводза и за дзеци по других местох, а як дознава Рутенпрес, з госцованя у Словацкей ше найвироятнєйше враца на ютре.
Аматере з кулского Руского КУД до тераз поза гранїцу госцовали у Горватскей и то перши раз же даєдни члени того Дружтва госцую у Словацкей.