БЕОҐРАД – Гражданє котри очкодовани кед им обрахована солидарна порция на обєдинєни запожнєни виплацованя, можу придац вимогу за врацанє пенєжу до филиялох Порцийней управи места (општини) у хторим жию.
З вимогу треба придац и обрахунок приманьох за кажди период обраховйованя, лєбо одвитуюци контракт за обрахунок приманьох хтори ше одноша на вецей периоди обраховйованя, односно други документ з хторим ше доказує виплацованє приходох обрахованих за вецей мешаци, а хтори окончени у єдним мешацу.
Солидарну порцию ше наплацовало од 1. януара по 31. октобер 2014. року кед заробки и други мешачни приходи занятих у явним секторе були векши як 60 000 динари. После реаґованьох гражданох, Влада Сербиї Порцийней управи наложела най враци пенєж гражданом котрим зменшани збирни виплацованя менши як 60 000 динари, а одношели ше на запожнєни надополнєня у чаше наплацованя солидарней порциї.