На гласанє вжац важаци документ, хто нє може пойсц – явиц ше до 11 годзин

автор зам
1.4k Опатрене

СЕРБИЯ – Виберацки места за ютрейши виберанки буду отворени на 7, а заварти на 20 годзин. Гласа ше за виберанково лїстини – зоз заокружованьом шорного числа опрез назви виберанковей лїстини. Виберач може гласац лєм за єдну виберанкову лїстину на гласацким лїстку.

На виберанки зоз собу треба вжац важаци особни докуметн – леґитимацию, вожацку дозволу, лєбо пасош, а препоручене вжац и поволанку-иформацию хтору гласаче достали до своїх обисцох.

Вибераче котри пре здравствени, лєбо даяки други причини нє можу сами пойсц на виберацки места, на ютре, на дзень гласаня, найпознєйше до 11 годзин треба же би ше приявели виберацкому одбору на своїм виберацким месце, та члени одбору пойду до їх обисца пре гласанє. Особа котра приявює особу котра нє може присц гласац, гласацкому одбору муши указац леґитимацию тей особи.

Виберацки лїстки за републични виберанки будзе шиви, за покраїнски блядо-желєни, а за локални (општински и городски) били.

ПОВЯЗАНИ ТЕКСТИ