Одбор за польопривреду потримал Закон о польопривредней жеми

автор сен
893 Опатрене

БЕОҐРАД – Скупштински Одбор за польопривреду, лєсарство и водопривреду прилапел вименки Закона о польопривредней жеми и предложел парламенту най го прилапи, пишу нашо медиї

Помоцнїк министра польопривреди Младен Младенович гварел же главни причини за предкладанє того акту то узурпация жеми, велька поверхносц нєобробеней державней жеми, инвестициї, та змоцньованє малих польопривреднох продуковательох. Медзи иншим, предложене же до 30 одсто державней жеми мож дац под аренду вельким инвеститором, а жем хтору нїхто три роки за шором нє вежнє под аренду, годно дац на хаснованє на пейц роки.

Обчекує ше и зменшанє случайох безправного хаснованя державней жеми, а постої и одредба по хторей, на основи одлуки локалней самоуправи, мож зняц шаца кед польопривреднїк безправно хаснує жем.

Гоч було вельо полемики и процивсловни информациї о можлївосци же би странци куповали державну жем, визначене же им будзе онєможлївене здобуванє маєтку. Медзитим, по Спорозуменю о стабилизациї и придружованю з ЕУ предвидзене же странци од 1. септембра 2017. року годни буц власнїки жеми.

О Предлогу вименкох Закона о польопривредней жеми Скупштина Сербиї будзе розправяц на ютре. Посланїки СНС наявели же потримаю вименки, а посланїки ДС и ЛСВ процив їх прилапйованя.

ПОВЯЗАНИ ТЕКСТИ