ВЕРБАС – Вовторок у Вербаше отримана „Олимпийска годзина”, манифестация Олимпийского комитету Сербиї, з хтору ше промовує дух олимпизму, фер-плею и заєднїцтва.
Участвовали коло 100 школяре вербаских основних школох, а прешли през пейц роботнї хтори символую пейц континенти и пейц олимпийски вредносци – радосц бавеня, фер-плей, почитованє, винїмковосц и єдинство духа, цела и розума.
Учашнїкох привитал предсидатель Општини др Братислав Кажич, а Милан Павлович з Олимпийского комитету Сербиї виражел задовольство пре орґанизованє годзини у Вербаше и визначел же роботнї порихтани же би ше школяре, през бависко, упознали з Олимпийскима бависками ище з периоду Старей Греческей.