О символох Войводини одлучи Скупштина АПВ

автор сен
1.2k Опатрене

НОВИ САД – Одбор за питаня уставно-правного положеня Скупштини Войводини вчера, 13. марца, з векшину гласох принєсол Предлог покраїнскей скупштинскей одлуки о випатрунку и хаснованю символох и традицийних символох Автономней покраїни Войводини (АПВ). Предлог будзе розпатрани на схадзки Скупштини АПВ, на вовторок, 17. марца, наявел предсидатель Скупштини АПВ Иштван Пастор.

Нарис одлуки о хаснованю символох и традицийних символох покраїни направели члени Одбору, професоре з новосадского Правного факултету Слободан Орлович и Бранислав Ристивоєвич. З тим документом предвидзене же би ше з урядовима символами визначовали и сербска застава, та герб зоз 1848. року.

Дзевец члени Одбору гласали за Предлог, двойо були процив, а тройо нє були на схадзки. Душан Яковлєв з Лиґи социялдемократох Войводини (ЛСВ) нє потримал Предлог прето же, як гварел, символи хтори ше предклада як традицийно войводянски авторе предкладаю на основи своїх упечаткох, прето же то шицки часци Нарису устава з 1849. року хтори нїґда нє бул прилапени, преноша „Вечернї новосци”.

Члени Одбору з Демократскей странки мали технїчни зауваги на першобутни Предлог, алє го после вименкох прилапели.

ПОВЯЗАНИ ТЕКСТИ