НОВИ САД – У Заводзе за културу войводянских Руснацох вчера, 18. юния отримана проєкция документарного филму Сашу Палєнкаша з Руского Керестура з назву „Горнїца – Terra Incognita”. Филм участвовал и на медзинародним фестивалє у Братислави, у Словацкей, а у нас го видзели у Дюрдьове на Литературним вечаре, у Руским Керестуре на „Дньовки”, а планує ше його проєкцию и у Суботици.
Тот филм лєм перши крочай зоз сериї о Горнїци, понеже Палєнкаш подобни планує зняц и у Словацкей и у України, док то условия дошлєбодза. Филм наишол на позитивни коментари и нє ма нїяки претензиї, а як гварел автор Палєнкаш, од дзелєньох маме лєм чкоди.
Попри филму, Палєнкаш ше на вчерайшей програми у Заводзе представел и як музичар, лєм чкода же тоту подїю нє провадзело векше число публики.
