ВЕРБАС – У традицийней акциї „Бебом з любову”, першенародзени беби у тим року у породзилїщу Общого шпиталю Вербас достали вредни дарунки.
Перша беба з вербаскей општини народзена у тим року достала 80 000 динари, а дарунок за малого Алексу мацери Милї Мандич Копривица придал предсидатель Општини др Братислав Кажич.
Дарунки достали ище пейц беби народзени у перших дньох того рока, без огляду чи су з вербаскей, чи з даєдних зоз сушедних општинох.
Крем локалней самоуправи и Общого шпиталю, у тей акциї, хтора отримана шестираз, дарунки бебом и мацером подаровали и предавальня „Саня”, Червени криж Вербас, квецарня „Кралїца”, продукователь кафи „Самба”, Реґионална розвойна аґенция Бачка, Индустрия меса „Карнекс”, месара Янка Русковского з Коцура, як и други дарователє котри жадали остац анонимни.