ДЮРДЬОВ – У грекокатолїцкей церкви Рождества Пресвятей Богородици у Дюрдьове у периодзе од 5. юлия по 28. авґуст, у церковних просторийох будзе ше отримовац лєтня дзияцка школа, односно годзини шпиваня Карпаторуского простопиния, як и церковнославянского язику.
До школи хвильково ходза штверо школяре основней школи и двойо зоз штреднєй школи. Годзини шпиваня водзи Татиана Барна, закончени педаґоґ музичного образованя.
У авґусту ше дзияцке шпиванє прешири на ученє тропарох, кондакох, прокименох зоз октоиха, котри ше шпиваю на нєдзельних Службох Божих.
Першираз ше будзе шпивац Службу Божу 1. авґуста, а после того маю план пойсц и на други парохиї кед будзе заинтересованих.