Пременка власци у Шидзе

автор зам
831 Опатрене

ШИД – Пияток, 18. септембра, на 31. схадзки Скупштини општини Шид пришло до пременки власци у тей општини, понеже розришени дотерашнї предсидатель СО др Бранислав Маукович зоз Социялистичней партиї Сербиї, (СПС), а за предсидательку СО Шид вибрана Наташа Цвєткович зоз Социялдемоктарскей странки-Борис Тадич (СДС).

Дотерашнї предсидатель СО др Бранислав Маукович на тоту функцию вибрани 2012. року, а з тайним гласаньом, з векшину гласох одборнїкох пияток є розрошени и з 28 гласама потримовки вибрана Наташа Цвєткович.

2-Sid-02

На схадзки прилапене и задзекованє заменїка предсидателя Општини Шид Срдяна Малешевича (донєдавна з ДСС), а зоз 26 гласами одборнїкох на тоту функцию вибрани Бранислав Брестовачки, котри и предсидатель Општинского одбору СДС у Шидзе.

СО Шид ма 39 одборнїкох и тераз владаюцу коалицию место одборнїкох зоз СНС-СПС и Демократскей странки Сербиї (ДСС), творя одборнїки СНС-СДС и Лиґи социялдемократох Войводини (ЛСВ).

Того лєта скоро цали општински одбори ДСС и СПС прешли до СНС, та практично престали функционовац у шидскей општини.

У вияви за медиї по виборе, нова предсидателька СО Шид Наташа Цвєткович гварела же ше у своїм мандату будзе намагац унапредзиц роботу локалного парламенту, звекшац його ефикасносц, а на хасен жительох шидскей општини. Наташа Цвєткович у скорейшим периодзе була и предсидателька Општини Шид, кед на власци була коалиция на чолє з Демократску странку.

ПОВЯЗАНИ ТЕКСТИ