ВЕРБАС – У Церкви Покрова Пресвятей Богородици у Старим Вербаше вчера преславени Кирбай. И попри подлей хвилї, на Архиєрейскей служби Божей було красне число парохиянох, пред тим служена Мала Служба Божа, а всоботу Всеночне пред Кирбайом.
Архиєрейску службу Божу предводзел наш апостолски еґзарх, владика кир Георгий Джуджар, а сослужели о. Юлиян Рац з Нового Саду, старовебарски парох о. Алексий Гудак, як и священїки з иножемства – з Горватскей и Словацкей.
Єромонах о. Платон Салак з Кули и нововербаски парох о. Иґор Вовк под час Служби споведали, а пре подлу хвилю, бул онєможлївени обход коло церкви по Служби.
После Служби на парохиї було орґанизоване ошвиженє за шицких присутних, а у улїци Йовґена Сивч и того року була вашарска часц Кирбаю.
