СЕРБИЯ – Пре вельке интересованє, конкурс проєкту „Таргнї ше за роботу”, хтори потримує порушованє и унапредзенє малих и штреднїх фамелийних подприємствох у Сербиї, предлужени по 10. фебруар, сообщене з компаниї „Филип Морис”.
Як гварел менаджер проєкту Миливоє Йованович, конкурс тирвал по 31. януар, алє пре вельке число подзелєних приявох и значну нащиву сайту проєкту, одлучене предлужиц конкурс по 10. фебруар.
З терашнїм националним конкурсом проєкту „Таргнї ше за роботу” буду додзелєни безповратни средства у опреми вредносци до 220 000 динари за порушованє, лєбо унапредзенє постояцих малих и штреднїх фамелийних подприємствох.
На конкурс ше можу приявиц шицки котри маю добру и креативну дїловну идею, а за реализацию им потребни дополнююци пенєж. Вецей информациї о Конкурсу мож видзиц на сайту www.pokrenisezaposao.rs